ಕೊಟ್ಟ ಮಾತು

"ನಾನು ಸತ್ತರೂ ನಿನ್ನೊಂದಿಗೆ ಇರುತ್ತೇನೆ" ಎಂದು ಅವನು ಅವಳಿಗೆ ಮಾತು ಕೊಟ್ಟಿದ್ದ...
ಪ್ರೀತಿಯಲ್ಲಿ ಮೋಸ ಮಾಡಿದ ಆಕೆ ಅವನಿಗೆ ಕೈಕೊಟ್ಟಳು...
ಅವಳ ನೆನಪಲ್ಲಿ ಅವನು ಪ್ರಾಣ ಕಳೆದುಕೊಂಡ...
ಇನ್ನೊಬ್ಬನ ಮದುವೆಯಾದ ಆಕೆ ಬದುಕು ಕಂಡುಕೊಂಡಳು...
ಅದೆಷ್ಟೋ ವರುಷಗಳ ಮೇಲೆ ಹೊಸ ಮನೆಯ ಕಟ್ಟಿಸಿ ಗಂಡನೊಂದಿಗೆ ಮನೆ ತುಂಬಾ ಸಂಭ್ರಮಿಸಿದಳು ಅವಳು...
ಮನೆಯ ಅಡಿಪಾಯದ ಕೆಳಗೆಲ್ಲೋ ಅವನು ಗೋರಿಯಲ್ಲಿ ಮಗ್ಗುಲು ಬದಲಿಸಿ ಮಲಗಿದ್ದ...
"ನಾನು ಸತ್ತರೂ ನಿನ್ನೊಂದಿಗೆ ಇರುತ್ತೇನೆ" ಎಂದು ಅವನು ಕೊಟ್ಟ ಮಾತು ಈಡೇರಿಸಿದ್ದ...
ಆದರೆ ಅವಳಿಗದು ಗೊತ್ತೇ ಆಗಲಿಲ್ಲ...
         ಯೋಗೀಶ್ ಮಲ್ಲಿಗೆಮಾಡು