ಉತ್ತರವಿರದ ಪ್ರಶ್ನೆಗಳು

ಒಡೆದ ತುಟಿ, ಕೈಕಾಲುಗಳಿಗೆ ಇಲ್ಲಿದೆ
ವ್ಯಾಸಲಿನ್, ಕ್ರ್ಯಾಕ್ರೀಮುಗಳು
ಒಡೆದ ಸಂಬಂಧಗಳಿಗಿಲ್ಲಿ ಯಾವ ಲೇಪ....?

ಮುರಿದ ವಸ್ತುಗಳಿಗೆ ಫೆವಿಕಾಲ್, ಫೆವಿಕ್ವಿಕ್ಕುಗಳು
ಮುರಿದ ಮನಸುಗಳಿಗೆ ಇಲ್ಲಿ ಯಾವ ಅಂಟು ಮೇಣ...??

ಅನ್ನ ಹಳಸದೇ ಇರಲು ಇಲ್ಲಿ ರೆಫ್ರಿಜ್ಜರೇಟರುಗಳು
ಬಾಂಧವ್ಯ ಹಳಸದಿರಲು ಯಾವ ಪೆಟ್ಟಿಗೆ....???

ನಮ್ಮ ಸಂಭ್ರಮಗಳ ಹಂಚಿಕೊಳ್ಳಲು ಇಲ್ಲಿ ವಾಟ್ಸ್ ಆ್ಯಪ್, ಫೇಸ್ ಬುಕ್ಕುಗಳು
ಕುಳಿತು ದುಃಖವ ಕೇಳಲು ಯಾವ ಜಾಲತಾಣ....????

ದೂರದೂರದವರನು ಆಲಿಸಲು ಇಲ್ಲಿ ಕಾನ್ಫರೆನ್ಸ್, ಮೊಬೈಲು, ಸ್ಕೈಪುಗಳು
ಪಕ್ಕದ ಮನೆಯವರ ಕಷ್ಟ ಆಲಿಸಲು ಯಾವ ಕನೆಕ್ಷನ್...???

(ಯೋಗೀಶ್ ಮಲ್ಲಿಗೆಮಾಡು)