ಒಂದು ಮೀನಿನ ಕಥೆ

ರಾತ್ರಿಯ ಊಟಕ್ಕೆಂದು ಮೊನಚಾದ ಕತ್ತಿಯ ಅಲಗಿಗೆ ಮೀನು ಹಿಡಿದು ಕೂತವಳು ಮೀನಿನ ಕಣ್ಣನ್ನೇ ದಿಟ್ಟಿಸುತ್ತಿದ್ದಳು. ಮೀನಿನ ಕಣ್ಣಿನೊಳಗೆ ಆಕೆಗೆ ಆಳ ಸಮುದ್ರದ ಅಲೆಗಳಬ್ಬರಕ್ಕೆ ಬಲೆ ಬೀಸುತ್ತಿರುವ ಅವಳ ಗಂಡನ ನೆನಪಾಯಿತು.

ಕಡಲಿನ ನಡುವೆ ಬಲೆ ಬೀಸುವ ಆ ಬೆಸ್ತರ ಗಂಡಿಗೆ ಹುಣ್ಣಿಮೆಯ ಬೆಳಕಲಿ ಪ್ರತಿಫಲಿಸುವ ತೆರೆಗಳು ಅಲ್ಲಿ, ಮೀನು ಕೊಯ್ಯಲು ಕುಳಿತ ಅವಳ ಕತ್ತಿಯ ಅಲಗಿನ ನೆನಪ ತಂದಿತು. 

ಗುಟುಕು ಪ್ರಾಣವೂ ಇಲ್ಲದ ಆ ಮೀನು ಮಾತ್ರ ಅವರಿಬ್ಬರ ನಡುವಿನ ಸೇತುವೆಯಾಗಿತ್ತು.  

ಯೋಗೀಶ್ ಮಲ್ಲಿಗೆಮಾಡು